Panzer Dragoon Mini [Game Gear]

Panzer Dragon Mini CoverGrossi Ãœberraschig. Äs het äs Panzer Dragoon fürä GG gäh O_o Muäs zwar geschtah dasimi ufm GG nid würkläch gross uskennä, abr chamr o vorschteuä das viu GG Besitzer o nix drvo gwüsst hei. Vorauäm wöus numä ds Japan erschinä isch. Abr mau witr zum Schpiu…

Panzer Dragoon Mini isch wiä sini grossä Ableger ä Railshooter. Natürläch mit Technischä Ischränkigä. Am beschtä latsächs mit Space Harrier vrglichä.
Am Afang vom Game entscheidätmäsäch zwüschä 2 Drächä wosäch minim vonänand undrscheidä und schtartet denn ohni Story ids Game. O schüsch isch leidr kei Story vorhandä. 1 Chnopf längt für aui Agriffä – drückä zum Schiässä und druffblibä zum Gägner ds markiärä wiämäs vo dä andernä PD kennt. D Bossä si dr gröscht Höhepunkt im Game, und vrglichä mit dä normalä Gägner o ä CHLINI Herusforderig. I has zumindescht ohni Läbensverluscht so lang gschpiut bisi vor „Längwili“ abgschautä ha, und nid wöui gschtorbä wär. Damitmäs de trotzdämm mau dürämacht isch zum Glück äs Passwortsyschtem vorhandä, sodasmäsäch mit dä am Afang doch chli längwiligä Levels nid schtändig muäs beschäftigä. D Musig schticht o nid extrem usä, aber isch passend.

PD Mini chani numä grossä Fans und Sammler empfählä, da’s doch besseri Railshooter git undmäsäch bessr a einä vo dä Saturn Titlä macht. Ds ganzä Schpiu chunnt eim eifach ds oberflächläch inä und dr Tiäfgang isch nid würkläch vorhandä. Dasäs kei Story git hani aus schad empfundä – bi Schpiu wo nid grafisch punktä cha ä guäti Story doch no rächt was usmachä.