Retro & Böisi Lovas

Wosäch Pixu gägäsitig no ä guätä Tag wünschä.

Super Mario Land [GB]

Super Mario Land dörft wou jedäm ä Begriff si. Bsunders dr Sound wosäch äuä i jedäs Hirni inäbrönnt het .

Abr für diä wos verpasst hei: im erschtä Mario Abentür ufm GB wird in beschtr Mariomanie wiä gwohnt dür verschidnigi Level grennt und gumpät, uf dr Suächi nach dr immr widr gsuächtä Prinzässin. Hinzuä chömä no Underwasser- und Lufwäutä wo eher anes Shooterlevel erinnärä(sis ja eigäntläch oh). Vor Thematik här chunntmä drbi undr andäräm bi dä Ägüpter, Piuzwäutä und Chinesä vrbi. Undrmalä wird das ganzä dür prägendi MarioMeloadiä wiämäsä us dä andärä Mariotitlä beschtens kennt. D Ändgägner machä komischerwis Grüsch, aus würdmä ä Geiss(eine Ziege) ufnä abnormali Art penetriärä, wemä ufsä schiässt.

Am Änd vo dä meischtä Levels chamä no paar Läbä gwinnä wemäs gschafft het dr CHLI schwerär Usgang ds erreichä. Ä anderi Bsunderheit isch, dass wemä ds Game dürägmacht het unds de grad nomau zockt, auäs chli schwerär wird(meh und anderi Gägner scho am Afang).

I cha Super Mario Land ohni Bedänkä jedäm as Härz legä. Vo mir bechunnts dank dr Nostalgie diä voui Punkzau.

Leave a Reply