Daedalian Opus [GB]

Daedalian Opus. Definitiv eis vo minä Liäblingsgames… wes um Fäuchöif geit! I gloub abgseh vo eim andärä Titu gits keinä wo no schlimmr gsi isch aus das woni jung bi gsi.

Ds Schpiuprinzip isch rächt simpu: fü~u(usfüüüuä) mit Tetrisähnlächä Teili ä Flechi us um i ds nächschtä Level ds cho. Tönt rächt simpu – ischäs abr nid. Was am Afang rächt liächt erschint wird mit dr Zit zum verzwiflä.
D Puzzle-Teili ligä näbä dr Flechi womä muäs usfüuä, wärdä mit eim Chnopf packt/abgleit, mitmnä andärä dräit und mit SELECT no gschpiäglät. I paar Levels hets sogar no ds viu Teili. isch ja nid so aus wärs o schüsch scho rächt schwär.
Zitlimit gits zum Glück nid. Nach jedäm beschtandnigä Levels gits äs Passwort. Zwüschä dä einzelnä Level darfmä immrhin no säuber hin und här loufä wasäs abr o nid grad viiiu bessr macht.
D Grafik isch rächt simpu ghautä, abr si erfüut dr Zwäck.
Musig isch o vrhandä, abr äs wär wünschenswärter gsi dasäs chli verschidnigeri Träcks git, da diä vorhandänä doch rächt schnäu uf’d Närvä chöi gah undsäch ids Ghirni ibrönnä.

O nach über 10 Jahr isch das Game no nid viu besser wordä… o weni mittlerwilä chli witr cho bi… zumnä super Game längts glich nid. Äs ma si, dasäs gwüssä Lüt gfaut, abr dä meischtä chani mit guätäm Gwüssä drvo abratä.

Eine Antwort auf „Daedalian Opus [GB]“

  1. Da schliessi mi sehr gärn a. I ha das „wunderbare“ Spiu sogar dopplet u has gloub nie über Level 6 use bracht. Und es dünktmi sogar, dassmi d Musig bis hüt no verfougt. I loches itze de mau us fürnes Frustrations-Flashback uus, aber wirdes de öppe zimlech schnäu wieder wäglege.
    Ou toll: Mit Zähni versueche der Titu von Spiu usdsspräche.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.