Wizards & Warriors [Faimcom / NES]

“You are Kuros, the knight warrior, hero of the Books of Excalibur. Your journey begins deep within the woods of Elrond, where even the wind obeys the Supreme Wizard, Malkil. A wizard so great, Merlin calls him teacher. But Malkil has strayed from the path, and is now part of the dark side…”

Somit isch eigäntläch klar wasmä ds tüä het: i jedäm Level Schüsslä suächä zum Türä und Schatztruä ds öffnä um ä gwüssi Azau a Diamantä ds sammlä, damitmä ä Boss cha killä und ä “Prinzässin” cha rettä.
Ufm Wäg zum letschtä Boss wärfäsäch eim Schpinnä, Flädermüs, Skelett, bösi Fratzänä in Feusä O_o und süschtigi gröschtäteils scho gewohntä Gägner i Wäg. D Bossä underscheidäsäch abgseh vo 2nä nid au zu sehr vonänand, aber si hei doch ab und zuä chli ihri tückänä. Dr 2t Boss hetmr komischerwis am meischtä Müä gmacht… ligt abr äuä daran dass grad bevorär chunnt no ä Höhli mit zimläch viunä und müäsamä Flädermüs muäs überwundä wärdä, und’i meischtens mit knapp dr Heufti vor Energie mau bim Boss bi acho.

Relativ negativ(jenachdämm wiämäs betrachtät) ufgfauä isch d Füärig vom Schwärt. Probiärtmä ir Luft ä Gägner ds schlah, gits eim hüfiger aus wemä eifach inä drigummpt. Rare hets irgendwiä gschafft dass ds Schwärt schadä vrteilt wemäs gar nid isetzt. Wärsächs aber zu nutzä ds machä weis wirdsäch aber chum no drübert ufregä.
Was drfür positiv uf’faut si diä verschidnigä Upgrades womä ufm Wäg findät. So chamä no Mässer wärfä, lengsemr zu bodä schwäbä(sehr agnähm bi schwärä Gump’passagänä), etc.

Wizards & Warriors isch ideau für schnäu amnä Namitsch dürä ds zockä. Dank dä unlimitiärtä Kontinius söttmäs mit chli hartnäckigkeit o schaffä.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.