Segata Sanshiro Shinken Yuugi [SAT]

Segata Sanshiro Shinken Yuugi

Diä meischtä Lüt wüssä wahrschinläch nid wär dr Segata Sanshirō isch. Usserhaub vo Segata Sanshiro Shinken Yuugi
Japan kenntmänä sowiso chum. Zwüschä 1997 und 1998 si X Wärbespots mit ihm usgschtraut wordä um’d Popularität vom Saturn ds schtigärä. Gschpiut wirdr vom Hiroshi Fujioka wo dür Kamen Rider bekannt wordä isch.

Ds Game säubr isch ä Asammlig vo Minigames womä jenachdämm wiämä gschpiut het vomnä Wärbespot belohnt wird. Im eintä Minigame secklätmä dürnäs brönnends Hus, imnä andärä schmeisstmä aus verchleidätä Wiänachtsmaa Gschänkli i Schornschteinä, muässäch taschtäkombinationä merkä, Azau vo umhärflügendä Objekt merkä odr im richtigä Timing ä Chnopf drückä für mit sim Chopf ä Schtapu vo Bachschteinä ds vertrümmärä. Mit paar wenigä Usnahmä eigäntläch nid soooo herusforderndi Minigames.

Grafisch isch das ganzä i rächt simpläm 2D ghautä wordä – schlächt isch’s aber sichr nid. Für das heisi eifach ds viu Humor la ifliässä…

Zu dä freischpilendä Wärbespots ghörä u.A. Sonic R, Saturn Bomberman, House of the Dead, etc. Leider si nid ganz aui Wärbespots druff wos dennzumau gäh het.

Ä Wärtig möchti eigäntläch nid abgäh. Wägäm zockä älleigä würdis itz viläch nid choufä, abr wemä SEGA Fan isch und Fröid a dä Wärbespots het, denn söttmäsäch’s doch mau überlegä. Sorgt o nachärä düräzocktnä GameNacht doch no für einiges a Underhautig.

One Reply to “Segata Sanshiro Shinken Yuugi [SAT]”

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.