VJP

Ds erschtämau in Kontakt cho mit Games wahrschinläch mitmnä C64, aber denn het mis Hirni no nid funktioniärt, wird wou eher d Story mitm NES i’d Gschichtsbüächer igah. Ds erschtä eigätä Gamesyschtem isch mitmnä GameBoy(Revenge of the ‘Gator und Tetris) ids Hus cho. SNES(Zelda) isch de diä erschti Konsolä gsi womä am TV het chönnä aschliässä. Gfougt hei N64, Dreamcast, Cube sowiä paar Handheudä und dr Wii zum Launch. Drzwüschä si no Saturn, MegaDrive, NeoGeo, PC-Engine etc. drzuä cho. Hängä blibä bini am meischtä am NeoGeo, GameBoy und DC. mit dä NextGen Syschtem chani nümm soooviu afangä. Egoschuuter längwilämi nid grad wenig…

Gfeschtigt wordä isch das ganzä dür ds Organisiärä und Bsuächä vo verschidnigä GameNights, 2maligäm Tripp nach Japan inklusive ruiniärig vom Konto und schüschtigä GameSeschns wordä. Jahrelangs abhängä i Forä isch o nid grad unschu’udig gsi. Sit dr Gründig vom eigätä bini abr so guät wiä numä no dört underwäggs. D Lüt kenntmä mittlerwilä o scho paar Jahr… aui glich hängä blibä.

Ir Sammlig/Gamebibliothek befindäsäch u.A. NES, SNES, N64, Cube, Wii, MasterSystem, MegaDrive, Saturn, Dreamcast, PS2, PS3, PC-Engine, NeoGeo und diversi Handheudä.

Liäblings’schores si Beat’em Ups(2D und ufm NeoGeo), Shoot’em Ups(Houptsächläch Saturn) und Jump’n Runs. Mit realistischä Schportgames und Racer chani so guät wiä nix afangä.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.