m. o. terra kaesi

Mis Pseudonym esch ned vo ongefähr en “Hommage” a eis vo dä schlächtischte Video Games ever: “Star Wars – Masters of Terras Käsi”. Was das met minere Videospell-Gschecht ztue häd? Tja, ech han sett jehär chli en “onberächebare” Gschmack a Video Games. Sammle tuen i zwar scho fasch nor d’Crème-de-la-Crème Software (drom sends au ned honderti sondern grad mol öppe 180 Stöck momentan). Aber wis halt so esch, d’Chindheit prägt ond so hani au s’eint oder ander Schrott-Game i dä Sammlig, so wi s’do bereits reviewte “Pit-Fighter” (SNES) oder es “Dragons Lair” (NES). cab

Ech ha drü älteri Brüedere ond so esch euse Huushalt prädestiniert gsi för allerlei Elektronik. Metäm Schnuller im Muul hani bereits met Gadgets wi em “Simon”, em Micro-Vision Handheld vo MB (met uswächselbare Schablone), Game&Watch ond dä erschte Pong-Konsole zockt. Spöter bi Schuelkollege Atari 2600, Amiga ond C64 bis dänn min Brüeder s’NES kauft häd ond’s ändgöltig ihschlage häd bi mer.

Han bis 1998 fasch all System mol gha. Mis Herz schloht aber eidüütig för 8 ond 16-Bit Konsole. Öppe 8 Johr lang hani ganz uufghört zocke ond nor no einisch im Johr s’Züüg metäm FADE zäme för ä Game Session föregholt (wohl eini vo dä ältische Sessions i dä CH, set 1996 ond emer no di glichä Lüüt :-)).
Hött gohts mer vor allem no oms Sammle ond zwar nor boxed ond Japan-Stuff, bis of wenigi Ussnahme (Atari 2600 oder EA Games). Ha i minere Sammlig momentan no folgendi Konsole: Pong, VCS, NES, MD, SFC, NG, PCE, SAT, PSone, PS2 ond DC. Mini Devise esch “klein aber fein” ond drömm beni emmer weder mol am uusschaube. Eis vo mine Traumcabs dörf i au no bsitze: es Sega Aero City metäre verpönte 1000-in-1-Platine. Mini Lieblings-Genres sind: Fighters, Shooters, Fun-Sport Games ond v.a. Party-Games.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.