Retro & Böisi Lovas

Wosäch Pixu gägäsitig no ä guätä Tag wünschä.

Power Stone 2 [DC]

Mit dä richtigä Lüt isch Power Stone 2 DAS Multiplayergame. O itz nach über 10 Jahr landäts no ab und zuä im DC, sofärn grad diä passändä Lüt umä si…
Mä prüglätsäch i 3D Arenänä mitärä grossä Azau vo ufläsbarä Gägäschtänd solang bis numä no einä schteit, oder’d Zit ablouft. Insgesammt schtö eim nachm freischpilä 14 Charaktere und 10 Arenänä zur Verfüägig. D Arenänä si meischtens no i mehräri Abschnittä undrteilt: so schtartätmä mau ufmnä flügendä Schiff wo nach paar Minuttä usänand gheit, kämpft währändäm Fau um Schirmä damitmä bir Landig kei Energie verlürt und kämpft schlussäntläch irä Azthekisch wirkendä Kulissä witer. Ds Waffäarsenau beschteit a.A. us Schwärter, Bombänä, Pischtolänä, Flammäwärfer, Tennisschleger, Skateboards und wasmäsäch schüsch no auäs nid vorschteuä cha. Insgesammt söttäs öppis um diä 100 Gägäschtänd si! Diä darfmä abr ersch no “freischpilä” idämmä Gäut sammlät undsä im “Ladä” erwirbt/zämämixt und uflist. Gäut bechunntmä im Arcade Mode womä  ds 2t cha beschtrittä. Ca. ir Mitti und am Ändi chunnt no jewils ä grössärä Boss wobä abr nid au zu sehr Müä dörft ha. Wasmä natürläch ono sött erwähnä si diä sogenanntä “Power Stones” wo’s o im Vorgänger scho gha het: hetmä 3 vo dänä ufgläsä verwandlätmäsäch churzzittig inä übermachti Version vo sim Charakter wo denn no zuäsätzlächi Agriffä druff het & no 2 Super Specials wo schnäu mau Biudschirmfüuend wärdä.
Sini Schterchi zeigt das ganzä aber erscht im 4 Player Mode mit 3 Kolegä. Äs git eifach nid viu bessers aussäch ds 4t uf’d Schnurä ds gäh! Mä schlöidärätsäch jenschti Gägäschtänd a Chopf wo umäligä, cha d Umgäbig ibeziä (Gschütz womä cha beschtigä, Fauänä womä cha uslösä etc.) – wesäch mau öppr dank dä “Power Stones” verwandlät geits erscht richtig ab und jedä versuächt mit dä linngischtä Tricks am Schadä womä schüsch ischteckt, ds entcho. Mä cha o Teams biudä… und “verschtorbnigi” Charaktere widerbeläbä, vrlürt denn abr säubr jewils chli Energie.

Dank sim 4 Player Schpass bechunnts vo mir irgendwas zwüschä 9-10 Pünkt vo 10. Het haut mängisch glich chli Slowndowns, was abr ahand vo dr Action wo abgeit nid würkläch verwundärät.

5 Responses so far.

  1. m.o.terra kaesi says:

    chonds a smash bros häre? oder sogar besser?

  2. SB says:

    PS2 isch immerno DÄ 3D prügler, fürmi hets no nüt bessers gä wo verhet..
    Nach paar rundine multiplayer mite pfründe ischme so süchtig dasme sogar dr me aus längwilig SP spiut! Hets nie ä nerd gä wo no witeri arene progr. het?

    P.S. evtl. müesst mä mau s eis aspiele?!

  3. VJP says:

    s eis hätti no. Isch leidr numä 2 Player abr rächt guät was’d interaktivität vo dr Stage abelangt.

  4. valken500 says:

    Isch halt scho huuuuerrrrrrrre Geil gsi !!! weiss es no, die schreie, dr Hass, die plötzlechi allianze !!!!

    :D

Leave a Reply